2009 წლიდან, ქართულ ბაზარზე განახლებული მომსახურებებითა და სტრუქტურით მუშაობას იწყებს ”ფაბლისითი ჯგუფი” და მასში შემავალი ყველა სააგენტო, რომლებიც დაბალი ფასებითა და მოქნილი, უნიკალური სისტემით იზრუნებენ საქართველოში მოქმედი ორგანიზაციების იმიჯისა და რეპუტაციის ფორმირებისა და კომუნიკაციური მართვის პროცესებზე. “ფაბლისითი ჯგუფის” სტრატეგიულ ხედვას საფუძვლად უდევს ახალი პიარ ტექნოლოგიების, ინოვაციური საკომუნიკაციო პროდუქტებისა და პიარის, როგორც 21-ე საუკუნის პრაქტიკისა და თეორიის გააზრება. კომპანია და მასში შემავალი სააგენტოები ინტეგრირებულად იყენებს, როგორც კარგად აპრობირებულ კლასიკურ პიარ ტექნოლოგიებს, ისე საერთაშორისო სტანდარტების დონის თანამედროვე ონლაინ ინსტრუმენტებს. დღეისათვის „ფაბლისითი ჯგუფი“ ხუთი ძირითადი მიმართულებით არის წარმოდგენილი ქართულ ბაზარზე: PRHYPERMARKET, PUBLICITY.GE, REGIONS.GE, POLLING.GE, და PRGUIDE.GE. დეტალური ინფორმაციის მისაღებად ეწვიეთ კომპანიის ვებგვერდს: http://www.publicitygroup.ge  

London School of PR and Branding-ის ოფიციალური წარმომადგენლობა თბილისში  პროფესიული განვითარების სამთვიან კურსს ჩაუტარებს ქართველ საზოგადოებასთან ურთიერთობის, მარკეტინგის, ბრენდინგის თუ კომუნიკაციების სპეციალისტებს.

სადიპლომო კურს წარუძღვებიან როგორც ქართველი სპეციალისტები, ასევე London School of PR and Branding-ის სათაო ოფისის  დამფუძნებელი და ხელმძვანელი, ჯონ დალტონი, რომელიც სპეციალურად  ლონდონის პიარის და ბრენდინგის  სკოლის  ქართველი მსმენელებისათვის მასტერ-კლასს გამართავს.

კურსის მსვლელობისას, მსმენელები, მსოფლიოში დანერგილი  უახლესი მეთოდოლოგიით შეისწავლიან მარკეტინგის, ბრენდინგის, კორპორატიული სოციალური პასუხისმგებლობის, რისკის მართვის, სპონსორობის, მედიასთან ურთიერთობის,  ივენთ მენეჯმენტის თუ შიდა კომუნიკაციების საკითხებს.

თბილისის ოფისის მიერ დაგეგმილი პროფესიული განვითარების სადიპლომო კურსი 25 ნოემბერს დაიწყება და მასში მონაწილეობას იღებენ საჯარო თუ კერძო სექტორში მოღვაწე წამყვანი კომპანიის  მენეჯერები.

პროფესიული კურსი სამ თვეს გასტანს, რის შემდეგაც, მსმენელებს ჩაუტარდებათ  გამოცდა, რომელიც London School of PR and Branding-ის   სათაო ოფისში გაიგზავნება და გამოცდების შეფასების მიხედვით, მსმენელები მიიღებენ გლობალური აკრედიტაციის მქონე პროფესიულ დიპლომს.

დამატებითი ინფორმაციისთვის: www.pr-school-london.com, www.lspr.ge, info@lspr.ge;  899 18 55 00

კავკასიის უნივერსიტეტის კავკასიის მედიის სკოლა გიწვევთ სასწავლებლად სოციალურ მეცნიერებათა სამაგისტრო პროგრამაში (SSM), რომელიც 2008-2009 აკადემიურ წელს სამ სპეციალობას გთავაზობთ: ჟურნალისტიკას; მედია მენეჯმენტს; სტრატეგიულ კომუნიკაციას.

მიმდინარე საგაზაფხულო მიღება ბოლოა სამაგისტრო პროგრამებისათვის გაერთიანებული ეროვნული გამოცდების ძალაში შესვლამდე 2009 წლის სექტემბრიდან. საგაზაფხულო სემესტრში სწავლის მსურველთა საბუთებს ვიღებთ 2008 წლის 16 დეკემბრამდე.

მოქნილი სასწავლო გრაფიკი შესაძლებლობას გაძლევთ ერთმანეთს შეუთავსოთ სწავლა და მუშაობა. სწავლების საფასურის გადახდის მოქნილი სქემა პროგრამას ფინანსურად ხელმისაწვდომს ხდის – სტუდენტი იხდის მხოლოდ იმ საგნის ღირებულებას, რომელზეც მოცემულ სემესტრში დარეგისტრირდა. პროფესორ-მასწავლებლების დიდი ნაწილს განათლება მიღებული აქვს აშშ-ში ან ევროპაში და აქვს მდიდარი პროფესიული გამოცდილება.

იხილეთ განაცხადის სრული ტექსტი 
პროგრამაში დასაშვებად ჩამოტვირთეთ და შეავსეთ განაცხადის ფორმა ქართულ ენაზე

”ბი ბი სი”-ს საერთაშორისო სამსახური აგრძელებს საკუთარი კორპორაციული სტილის სწავლების პროგრამას. პროგრამის ფარგლებში სასწავლო მასალები კორპორაციის 6 ლოკალურ საიტზე განთავსდება: bbcarabic.com, bbcchinese.com, bbcpersian.com, bbcrussian.com, bbcurdu.com, bbcafrique.com.

პროგრამის მიზანია ჟურნალისტებს მსოფლიო მასშტაბით მისცეს საშუალება გაეცნონ ”ბი ბი სი”-ს სასწავლო მასალებს, რომლებიც მანამდე მხოლოდ ინგლისურენოვანი კორესპონდენტებისათვის იყო ხელმისაწვდმი.

კორპორაციის მთავარი ამოცანაა გაავრცელოს ”ბი ბი სი”-ს ავტორების მიერ მრავალი წლის განმავლობაში  ენისა და სტილის სფეროში დაგროვილი გამოცდილება - აღნიშნულია კორპორაციის მიერ გავრცელებულ პრესრელიზში.

”ბი ბი სი”-ს საერთაშორისო სამსახურსა და ”ბი ბი სი”-ს ჟურნალისტიკის სკოლას იმედი აქვთ, რომ ხელს შეუწყობენ ჟურნალისტიკაში არსებულ ენობრივ ნორმებთან დაკავშირებული დისკუსიის გაღვივებას და ისეთი პროფესიული ღირებულებების გავრცელებას, როგორებიცაა მიუკერძოებლობა, სიზუსტე და პატიოსნება მასალის გაშუქების პროცესში.

დამატებითი ინფორმაციისათვის იხ.:  http://www.sovetnik.ru/prnews/world/more/?id=23997

ქართულ ინტერნეტ ბაზარზე სიახლეა: ვებ-დიზაინ და ჰოსტინგ კომპანია - „პროსერვისმა" სპეციალურად მცირე და საშუალო ბიზნესის მწარმოებელთათვის მომსახურების ახალი პაკეტი შექმნა, რომლის მთავარი მიზანი მათთვის გადახდის უფრო შეღავათიანი და მოქნილი სისტემის შეთავაზებაა.

კომპანია „პროსერვისი" ქართულ ინტერნეტ ბაზარზე საქმიანობას 2003 წლიდან ეწევა. ამ ხნის განმავლობაში მან შექმნა ვებ-გვერდები, საინფორმაციო პორტალები და ინტერნეტ-მაღაზიები ონლაინ გადახდის სისტემებით საქართველოში მოქმედი ისეთი წამყვანი კომპანიებისთვის, უნივერსიტეტებისთვის, არასამთავრობო ორგანიზაციებისა და სახელმწიფო სტრუქტურისათვის, როგორებიცაა: პე-ეს-პე, ნიკორა, აირზენა, მაგისტილი, „ჯეორჯიან თაიმსი", ბიზნეს სააგენტო „ჯიბისი ნიუსი", საინფორმაციო სააგენტო „ჯიეიჩენი", თბილისის თავისუფალი უნივერსიტეტი, ორგანიზაცია ბილიკი, საქართველოს სახალხო დამცველი, საქართველოს ნავთობისა და გაზის კორპორაცია, საჯარო რეესტრი და სხვა. დღემდე „პროსერვისი" ვებ-გვერდების დამზადების საფასურის გადახდას ერთიანად ითვალისწინებდა.

ვინაიდან ზემოაღნიშნული გადახდის სისტემა არ არის საკმარისად მოქნილი შედარებით მცირე და საშუალო ბიზნესებისათვის, ასევე არასამთავრობო ორგანიზაციებისა და ფიზიკურ პირთათვის, რომელთათვისაც თანხის ერთიანად გადახდა შეიძლება ფინანსურ დაბრკოლებად იქცეს, კომპანიამ ჩამოაყალიბა მომსახურების ახალი პაკეტი - „იქირავე ვებ-გვერდი":  პროექტი ისეა ორგანიზებული, რომ კლინეტის მოვალეობაში მხოლოდ ვებ-გვერდის განახლება შევა. ეს იმდენად მარტივი პროცესია, რომ ყველას, ვისაც კომპიუტერის საოფისე პროგრამებთან მუშაობის მინიმალური გამოცდილება აქვს უპრობლემოდ შეძლებს საკუთარ ვებ-გვერდზე ინფორმაციის განახლებას, სურათების ატვირთვას და მის მართვას, ხოლო ყველა სხვა სახის მომსახურებაზე (დომენის რეგისტრაცია, ჰოსტინგი, ვებ-გვერდის ტექნიკური და შეუფერხებელი მომსახურება) „პროსერვისის" ტექ. პერსონალი იზრუნებს. საიტის "ქირაობა" მცირე და საშუალო ბიზნესის შემოსავლებზე უკეთესად მორგებული და ბევრად უფრო შეღავათიანი ფორმა გახდება.

კომპანიის ადმინისტრაციას იმედი აქვს, რომ ეს ნაბიჯი ნებისმიერი სიდიდის ორგანიზაციას მისცემს საშუალებას ჰქონდეს საკუთარი ვებ-გვერდი ინტერნეტში, რომლის გარეშეც წარმოუდგენელია ბაზარზე პოზიციების განმტკიცება და საზოგადოებასთან ურთიერთობის პროცესის წარმართვა, ინტერნეტ-მაღაზია კი საშუალებას მისცემს ყველა დაინტერესებულ პიროვნებას და ორგანიზაციას ყოველთვიური ქირის გადახდის პირობებში აამუშავოს საკუთარი მაღაზია მოქმნილი ონლაინ გადახდის სისტემებით და ამით დამატებითი შემოსავლები მიიღოს. მთლიანობაში კი ამ პროდუქტის დანერგვა კომპანიის ადმინისტრაციის პროგნოზებით ხელს შეუწყობს ბიზნესის უფრო აქტიურ განვითარებას.

დამატებითი ინფორმაციისათვის იხ.: www.publicity.ge

კვლევის - ”2008 წლის კოუნის საერთო საქმის მარკეტინგის ევოლუციის შესწავლა” ("The 2008 Cone Cause Evolution Study") საფუძველზე ცნობილი ხდება, რომ მომხმარებლები უპირატესობას ანიჭებენ იმ კომპანიის პროდუქციას, რომელიც ასოცირდება იმ სოციალურ მოვლენებთან თუ პრობლემებთან, რომლებიც მათ აინტერესებთ.

კოუნმა (ბოსტონის ბრენდ-სტრატეგიისა და კომუნიკაციის სააგენტო) აგვისტოს თვეში 1100 სრულწლოვანი რესპონდენტი გამოკითხა. გამოკითხულთა 85%-მა განაცხადა, რომ მათ კომპანიაზე უფრო პოზიტიური იმიჯი ექმნებათ მაშინ, როდესაც კომპანია მხარს უჭერს იმავე სოციალურ საქმეს, მოვლენასა თუ პრობლემას, რომელზეც მომხმარებელსაც შესტკივა გული. იგივე პროცენტმა განაცხადა, რომ მათთვის მისაღებია, როდესაც კომპანია ახდენს არა მოგებაზე ორიენტირებულ ორგანიზაციებთან თანამშრომლობის დემონსტრირებას თავიანთ რეკლამებში. ხოლო გამოკითხულთა 38% 2008 წლის განმავლობაში  იძენდა იმ პროდუქტს, რომელიც ასოცირდებოდა მისთვის საინტერესო სასარგებლო საქმესთან.

დაწვრილებითი ინფორმაციისათვის დაგვიკავშირდით:
ტელ: 93 13 77, 893340403
ვებგვერდი: www.image.org.ge  სრული განაცხადი იხილეთ ჯობს.გე-ზე
ელ-ფოსტა: info@image.org.ge