2006 წლის 24 ივნისს, 13:00 საათზე, ?PR დღეების? ფარგლებში, საქართველოს ტექნიკურ უნივერსიტეტში გაიმართა პირველი სტუდენტური პიარ კონკურსის - სახელწოდებით ?PRოექტის? გამარჯვებულთა დაჯილდოვება და პიარ სწავლების 10 წლის იუბილე. მოწვეულ სტუმრებს შორის იყვნენ საქართველოში მოქმედი პიარ კომპანიების წარმომადგენლები, პიარ სპეციალისტები, სტუდენტები, ლექტორები, საქართველოს ტექნიკური უნიევრსიტეტის რექტორი, ფაკულტეტებისა და დეპარტამენტების ხელმძღვანელები, მასმედიიის წარმომადგენლები და სხვა საპატიო სტუმრები.?

ღონისძიებას უძღვებოდა ელდარ პირმისაშვილი, პიარისა და კომუნიკაციის სტუდენტთა ევროპული ასოციაცია ? საქართველოს ვიცე-პრეზენტი. ამ დღის და საერთოდ პიარ საუნივერსიტეტო განათლების მნიშვნელობის შესახებ ისაუბრეს საქართველოს ტექნიკური უნივერსიტეტის რექტორმა, ბ-ნ რამაზ ხუროძემ, სტუ ჰუმანიტარულ-ტექნიკური ფაკულტეტის დეკანმა ქ-ნ ქეთი ქოქრაშვილმა და პიარ სპეციალობის კოორდინატორმა და დამაარსებელმა ბ-ნ ვანო ჭიაურელმა. გამოსვლების დასრულებისთანავე, გურამ კანკავამ, დეტალურად ისაუბრა პიარისა და კომუნიკაციის სტუდენტთა ევროპული ასოციაცია ? საქართველოს შესახებ, რომლის პრეზედენტიც იგი თავად გახლავთ, ანუ ეს იყო ამ ორგანიზაციის პირველი, ასეთი მაშტაბური საჯარო პრეზენტაცია.

დასასრულს, პირველი სტუდენტური კონკურსის ?PRოექტის? ჟიურის სახელით, ბერდია ნაცვლიშვილმა, რომელიც არის პირველი ქართულენოვანი პიარ პროფესიული პორტალის PRGUIDE.GE - ს ავტორი, ისაუბრა კონკურსის იდეის და ჟიურის მუშაობის შესახებ. მოგვიანებით კი დაიწყო გამარჯვებული პროექტების დაჯილდოვება. სოსო გალუმაშვილმა, კომპანია ?ჯეპრას? დირექტორმა, ნიკა ჯავახიშვილმა, კომპანია ?ეისითი პიარის? დირექტორმა, ელგუჯა მარღიამ, კომპანია ?პროფილის? დამფუძნებელმა და მარიკა დარჩიამ, საზოგადოებრივი ურთიერთობების განვითარების ინსტიტუტის დამფუძნებელმა საპატიო ფულადი პრიზები და დიპლომები გადასცეს პრიზიორებს. უნდა აღინიშნოს რომ პირველი სტუდენტური კონკურსის შედეგების მიხედვით, 2006 წელს არ გამოვლინდა I და II ადილები და საპრიზო ადგილები ასე გადანაწილდა: III ადგილი ერგო საქართველოს ტექნიკური უნივერსიტეტის პიარ სპეციალობის III კურსის სტუდენტებს თათა აბსანძეს, სალომე ბებიაშვილს და ქეთი კაკაბაძეს; სპეციალური პრიზი საუკეთესო კრეატივისთვის ერგო, ამავე უნივერსიტეტის III კურსის სტუდენტებს ნათია ვაშალომიძეს, თათული მაისურაძესა და ანა ცინცაძეს; საქართველოს ტექნიკური უნივერსიტეტის სპეციალური პრიზი ერგო ამავე უნივერსიტეტის IV კურსის სტუდენტს სალომე ბერიძეს ხოლო საზოგადოებრივი ურთიერთობების განვითარების ინსტიტუტის პრიზი ერგო ამავე უნივერსიტეტის მაგისტრანტს, ლელა გიორგაძეს. უნდა აღინიშნოს სამშენებლო კომპანია მოდულის 200 ლარიანი სპეციალური პრიზი, რომელიც გადაეცა პიარისა და კომუნიკაციის სტუდენტთა ევროპული ასოციაცია ? საქართველოს პიარ ბიბლიოთეკისათვის წიგნების შესაძენად და მოგზაურთა კლუბის პრიზი ფოტო აპარატი და ასევე უპრეცენდენტო ფასში ხუთი პიარ სტუდენტის ანტალიაში 1 კვირიანი საგზურის დაწესება. პრიზების გადაცემის შემდეგ, კლასიკური მუსიკის ფონზე გაიმართა პიარ საუნივერსიტეტო განათლების 10 წლის იუბილისადმი სპეციალურად მომზადებული ტორტის საზეიმო გაჭრა.

2006 წლის 24-25 ივნისს, თბილისი მასპინძლობდა ?PR-დღეებს?. ასეთი ტიპის ღონისძიება საქართველოში პირველად ჩატარდა. ?PR დღეების?? ჩატარების მიზანი იყო პიარის, როგორც ახალი პროფესიისა და პრაქტიკის პოპულარიზება და ასევე, საქართველოში მოქმედი ყველა პრაქტიკოსის დაახლოება და ურთიერთანამშრომლობის ხელშეწყობა. ?PR დღეების?? ფარგლებში დაგეგმილ ღონისძიებებში მონაწილეობა მიიღო მედიის წარმომადგენლებმა, სტუდენტებმა, პიარის, რეკლამისა და მარკეტინგის სპეციალისტებმა, სახელმწიფო და კერძო სექტორში მომუშავე პრეს სამსახურების ხელმძღვანელებმა. ამ ღონისძიების შესახებ ინფორმაცია ვრცელდებოდა ტელევიზიების დილის პროგრამებით, რადიო გადაცემებითა და საინფორმაციო გამოშვებებით. ეს ღონისძიება საკმაოდ ვრცლად გააშუქა ქართულ ბეჭვდით მედიამაც. პიარ დღეების ორგანიზატორები იყვნენ: პიარ საკონსულტაციო კომპანიები ?ჯეპრა?, ?პროფილი?, ?ეისითი პიარი?, პიარ პროფესიულ ინტერნეტ პორტალი ?PRGUIDE.GE?, პიარისა და კომუნიკაციის სტუდენტთა ევროპულ ასოციაცია და საზოგადოებრივი ურთიერთობების განვითარების ინსტიტუტი, ხოლო ამ დღეების ჩატარება შესაძლებელი გახდა კომპანიების: ?მოდული?, ?მოგზაურთა კლუბი?, სარეკლამო სააგენტო ?i-LinePlus?, კოკა-კოლას და საქართველო ბიზნეს ეთიკის ასოციაციის მხარდაჭერით.?

2006 წლის 13 აპრილიდან 1 მაისამდე, თსუ - ს პიარ ლექტორის და საქართველოს ახალგაზრდა იურისტთა ასოციაციის პრესმდივნის, ბ?ნ თორნიკე გურულის ხელმძღვანელობით და თბილისის ივანე ჯავახიშვილის სახელმწიფო უნივერსიტეტის სტუდენტების სოფო გორელაშვილისა და ანა მჭედლიშვილის უშუალო მონაწილეობით ორგანიზება გაუკეთდა ტრეინინგების ციკლს თემაზე: ?nარკომანია-შიდსი." სლოგანით: "არ დანებდე - იფიქრე! იცინე! იცხოვრე!" აღნიშნული ტრეინინგები ჩატარდა ქალაქ თბილისის 24-ე, 161-ე, 90-ე და 60-ე საშუალო სკოლების მე-10 კლასებში. , რომლის მიზანი იყო სტუდენტების ინფორმირება შიდსისა და ნარკომანიის შესახებ.

ინფორმაცია მოამზადეს: ნინი ქერქაძემ და ნინო გოჯიაშვილმა.

შაბათს, 3 ივნისს, 17 სთ-ზე, ერეკლე მეორის 8/10-ში, გალერეა ?თავისუფალ დროში? მოეწყო მოწევის საწინააღმდეგო აქცია (ფოტოგამოფენა) სახელად ?არ გიკრძალავთ, უბრალოდ გირჩევთ.? პროექტის ავტორია ივანე ჯავახიშვილის სახელობის თბილისის სახელმწიფო უნივერსიტეტის, საზოგადოებრივ ურთიერთობათა კოორდინაციის, I კურსის სტუდენტი ნინო ბოჯგუა. პროექტის მიზანი იყო ფოტოების საშუალებით საზოგადოებისთვის დაენახებინა ის შედეგი, რაც სიგარეტის მოწევას ახლავს თან.

ინფორმაცია მოამზადეს: ნინი ქერქაძემ, თამუნა ვაქიაშვილმა და ნინო გოჯიაშვილმა.

გერმანელმა მოდელმა კლაუდია შიფერმა მონაწილეობა მიიღო სააგიტაციო კამპანიაში, რომლის მიზანიცაა გერმანიაში ინვესტიციების მოზიდვა და ტურიზმის განვითარება. პლაკატზე გამოსახულია კლაუდია, რომელსაც შემოხვეული აქვს გერმანიის დროშა. კამპანიის სლოგანია: ?Invest in Germany, boys!? კამპანია მიზნად ისახავს გერმანიის, როგორც კოსმოპოლიტური, ნოვატორული და თანამედროვე ქვეყნის, იმიჯის გაუმჯობესებას.კლაუდიას განმარტებით კამპანიის იდეის გაჩენაში წვლილი ცნობილ მსახიობს ? ბრიჯიდ ბარდოს მიუძღვის. სწორედ ბრიჯიდ ბარდომ შემოიხვია საფრანგეთის დროშა, რამაც ამ ქვეყანის იმიჯს ქალური შარმი შემატა. მოდელმა თანამემამულეებს მოუწოდა ფეხბურთში მსოფლიო ჩემპიონატის მსვლელობის დროს ეროვნული დროშების დემონსტრირებისაკენ.

ინფორმაციის წყარო: www.advertology.ru
მოამზადა: გიორგი სელიმაშვილი, კორესპონდენტი, PRGUIDE.GE

ორშაბათს, 2006 წლის 29 მაისს, 16 სთ-ზე თბილისის სახელმწიფო უნივერსიტეტის პირველ კორპუსში, დავით სარაჯიშვილის სახელობის აუდიტორიაში გაიმართება PR კვირეულის ფარგლებში განხორციელებული ტრეინინგის ?ეფექტური კომუნიკაციის? პრეზენტაცია. პროექტის ავტორები არიან ამავე უნივერსიტეტის საზოგადოებრივ ურთიერთობათა კოორდინაციის ფაკულტეტის პირველი კურსის სტუდენტები ნატა ძველიშვილი, თეა მხეიძე და ეთო გაბათაშვილი. პროექტის მხარდამჭერია პიარ საკონსულტაციო კომპანია ?ჯეპრა?. პრეზენტაციაზე მოხდება ჩატარებული ტრეინინგის ანალიზი. მოწვეულნი იქნებიან PR სპეციალისტები, ფსიქოლოგები, ჟურნალისტები და უმაღლესი სასწავლებლის წარმომადგენლები. პრეზენტაციაზე წარმოდგენილი იქნება ტრეინინგის ამსახველი სიუჟეტი. დასასრულს სტუმრებს საშუალება ექნებათ დაათვალიერონ ტრეინინგის მსვლელობის დროს შექმნილი მასალები (?ნიღბები, რომლითაც ვურთიერთობთ?, ნახატები, ფოტოები). სიტყვით გამოვლენ ახალგაზრდა იურისტთა ასოციაციის PR მენეჯერი, ბ-ნ თორნიკე გურული, პიარ საკონსულტაციო კომპანია ?ჯეპრას? დირექტორი სოსო გალუმაშვილი, კომუნიკაციების მარეგულირებელი კომისიის პრესმდივანი სოფო ბრიტანჩუკი და სხვები.

ინფორმაცია მოამზადეს: ნინი ქერქაძემ, თამუნა ვაქიაშვილმა და ნინო გოჯიაშვილმა.

ოთხშაბათს, 24 მაისს, 12სთ-დან 16სთ-მდე, თბილისის სახელმწიფო უნივერსიტეტის, პირველი კორპუსის საგამოფენო დარბაზში გაიმართება სტუდენტური საქველმოქმედო აქცია სახელწოდებით ?სიკეთის ერთი წვეთი?. აქციას ექნება გამოფენა-გაყიდვის სახე. გამოფენა ჩატარდება ცოცხალი მუსიკის თანხლებით. გამოფენილი იქნება სოციალური თერაპიის სახლის მოზარდების ნამუშევრები. აქციის მიზნებია: გავახალისოთ და უფრო მრავალფეროვანი გავხადოთ უნარშეზღუდული მოზარდების ცხოვრების თუნდაც ერთი დღე; ვიზრუნოთ მათზე, როგორც საზოგადოების სრულუფლებიან წევრებზე; გავუწიოთ მათ ფინანსური დახმარება. უნარშეზღუდულ მოზარდებს საჩუქრად გადაეცემათ წმ.ნიკოლოზის ხატები. აქციაზე მოწვეულნი იქნებიან ცნობილი სახეები. პროექტის ორგანიზატორია - სამშენებლო კომპანია ?მოდული?. პროქტის ავტორები არიან თსუ-ს საზოგადოებრივ ურთიერთობათა კოორდინაციის ფაკულტეტის პირველი კურსის სტუდენტები, ?პროფილი სტუდენტურის? წევრები: ნინო ძნელაძე, თეონა გოცირიძე, მარი წიკლაური.

ინფორმაცია მოამზადეს: ნინი ქერქაძემ, თამუნა ვაქიაშვილმა და ნინო გოჯიაშვილმა.

ოთხშაბათს, 2006 წლის 24 მაისს, თბილისის სახელმწიფო უნივერსიტეტის, პირველი კორპუსის 103 აუდიტორიაში (მესამე სართული), გაიმართება ღონისძიება სტუდენტური PR პროექტის ფარგლებში სახელწოდებით ?დეპრესიას არ აქვს ფერი.? ღონისძიება? დაიწყება 14:30 და გაგრძელდება 1 სთ და 30 წთ?ს. ღონისძიების თემაა დეპრესია და მასთან ბრძოლა. პროექტის მიზნებია: დეპრესიის, მისი დამახასიათებელი სიმპტომების განსაზღვრა; იმის დადგენა თუ როგორ შეიძლება დეპრესიის თავიდან აცილება, ან დეპრესიული ადამიანის შველა; სტუდენტების აზრის დაფიქსირება, მსჯელობა თემასთან დაკავშირებით. პროექტის ავტორია თსუ-ს, საზოგადოებრივ ურთიერთობათა კოორდინაციის პირველი კურსის სტუდენტი- ქეთი მეფარიძე, ხოლო მას ორგანიზებაში ეხმარებიან: საციალურ-ფსიქოლოგიური დახმარების ცენტრი ?ნდობა? და სტუდენტური მოძრაობა ?პირველები?.

მოამზადეს: ნინო გოჯიაშვილმა, ნინი ქერქაძემ, თამუნა ვაქიაშვილმა.

უკრაინის ღვინის ბაზარი მარკეტინგული ომის მოლოდინშია. ამ ქვეყანაში საქართველოს თავდაცვის მინისტრის ბოლო ვიზიტის დროს ირაკლი ოქრუაშვილი შეხვდა სხვადასხვა სარეკლამო სააგენტოს და განიხილა ქართული ღვინის პრომოუშენის საკითხები. ამ დროისათვის უკრაინაში პროდუქციის ექსპორტს ახორციელებენ კომპანიები ?სენაკური?, ?თელავის ღვინის მარანი?, GWS,? ?თელიანი ველი?, ?თბილღვინო? და სხვები. უკრაინაში საქართველოს საელჩოს ინფორმაციით ქართული ღვინის პრომოუშენზე გამოცხადებული ტენდერის ფინალში გავიდნენ?? Ogilvy & Mather? და? Adam Smith Advertising. გამარჯვებული სააგენტო დასახელდება მომავალ კვირას. ივნისისათვის დაგეგმილი აქტიური კამპანია გულისხმობს ღვინის ფესტივალების ორგანიზებას, რეკლამის განთავსებას ტელევიზიაში, პრესაში, ასევე გარერეკლამას. ექსპერტების შეფასებით განსახორციელებელი ღონისძიებების ბიუჯეტი შეადგენს 2 მილიონ დოლარს. აღსანიშნავია, რომ ანალოგიური ნაბიჯების გადადგმას აპირებენ უკრაინელი მეღვინეები. მიმდინარეობს მუშაობა სპეციალური ვებ-გვერდისა და ჟურნალის შექმნაზე. უკრაინის მრავალმილიონიან ქალაქებში ჩატარდება ფესტივალები.

ინფორმაციის წყარო: ?Коммерсантъ Украина?, ავტორები: ალიონა გოლუბიოვა, ანტონ ონუფრიენკო
მოამზადა: გიორგი სელიმაშვილი, კორესპონდენტი, PRGUIDE.GE